|| ॐ ||
श्री मॉं!
राम-लक्ष्मणासारखा बंधुभाव सर्वत्र नांदता राहो
सहज किंवा चुकून डॉ. सुधीर रसाळ सरांचा ‘हार्दिक अभिनंदन’ असा संदेश आला. गुरुवर्यांचा आवाज ऐकूनच जीव मोहरतो. असा आशीर्वाद तर जीव फुलवणाराच !
आत्मसत्ता !
होऊन वृत्ती – प्रवृत्तींचे घर्षण
जेथ सुखाचे वर्षण
दुःखाचे अवर्षण
षडरिपूंच्या पलीकडे जाता
घडते रे कृष्णाचे दर्शन !
कृष्ण भेटाया
नाही व्हावे लागत
मीरा आणि राधा
कृष्णाला माझ्या हवा
फक्त भक्तिभाव साधा !
कसली सत्ता, कसली मत्ता
उडवितो कित्येक राजसत्ता
गिरवूनी संस्कृतीचा कित्ता
त्या परमात्म्यासी भेटाया
साधावी आत्मसत्ता !
भेटता आत्मा-परमात्म्याशी
हे सत्य तू जाणसी
येथे कृष्ण धरे चक्र
अन् राम धरी कोदंड
राजदंडापेक्षा नित्य श्रेष्ठ धर्मदंड!
वृंदा आशय
श्रीकृष्णार्पणमस्तु!
संपूर्ण समर्पण मॉं!
प्रतिक्रिया व्यक्त करा